रहे ज़िंदगी भर हमनी क साथ पिया जी,
कबो छूटे ना, प्यारा एहसास पिया जी ।
चंदा- चंँदनिया जस संगे-संगे रहीं जा,
कबो दूरी ना करावे एहसास पिया जी।
रहे ज़िंदगी भर हमनी क साथ पिया जी,
कबो छूटे ना प्यारा एहसास पिया जी।
जइसे सूरज के संग में रहेले कीरिनिया ,
तइसे बिहसीं जा हमनी क साथ पिया जी।
रहे ज़िंदगी भर हमनी क साथ पिया जी,
कबो छूटे ना प्यारा एहसास पिया जी।
चांँद हर लेला जइसे सगरो अन्हरिया,
तइसे भोले जी हरें अवसाद पिया जी ।
रहे जिंदगी भर हमनी क साथ पिया जी,
कबो छूटे ना प्यारा एहसास पिया जी।
2-दिन भर भूखल बानी,
तीज क बरतिया।
संझा के करब भोला,
तोहरी अरतिया।
संझा की करब भोला,
तोहरी अरतिया।
तोहरी अरतिया भोला,
तोहरी अरतिया ,
संझा के करब भोला,
तोहरि अरतिया ।
पियवा के साथे,
सुखी रखिह संततिया।
बस इहे माँगन मांँगी,
दिन -अऊरी रतिया।
बस इहे माँगन मांँगी,
दिन अऊरी रतिया।
दिन भर भूखल बानी,
तीज क बरतिया ।
संझा के करब भोला,
तोहरी अरतिया।
संझा के करब भोला,
तोहरी अरतिया।
तोहरी अरतिया ,
भोला तोहरी अरतिया।
संझा के करब भोला,
तोहरी अरतिया।
गऊरा से मांँगी हम त,
मांँगे क सेनुरवा।
सेनुरा अचल रहे ,
लिखीं हम पतिया।
दिन भर भुखल बानी,
तीज क बरतिया।
संझा के करब भोला,
तोहरी अरतिया।
तोहरी अरतिया भोला,
तोहरी अरतिया ।
संझा के करब भोला,
तोहरी अरतिया।
साधना शाही, वाराणसी
Also Read – इस तीज की कविता शहीद की पत्नी के नाम