1-
खरना गीत
खरना क बेला बा आईल हो,
भूखल बा हमरी मैया -२।
भूखल बा हमरी मैया-२
मैया के पहिले खिआइब हो।
भूखल बा हमरी मैया।
खरना क बेला बा आईल हो,
भूखल बा हमरी मैया -२।
खीर रोटी खाके मईया सबका के दीही,
सबका के दीही मैया सबका के दीही।
जियरा त जाई जुड़ाई हो,
भूखल बा हमरी मैया।
खरना क बेला बा आईल हो,
भूखल बा हमरी मैया -२।
सबका के देके मईया करिहे आराम हो,
करिहे आराम मईया करिहे आराम हो।
भिनूसहरे में छठ गीत गाई हो,
भूखल बा हमरी मैया।
खरना क बेला बा आईल हो,
भूखल बा हमरी मैया -२।
काम सब करी मईया दऊरा सजईंहें,
दऊरा सजईंहे मैया दऊरा सजईंहें।
छठी मैया के धाम सजी जाई हो,
भूखल बा हमरी मैया।
खरना क बेला बा आईल हो,
भूखल बा हमरी मैया -२।
गीत गाई- गाई मईया ठेकुआ बनईह,
ठेकुआ बनईह मईया ठेकुआ बनईह।
गम- गम गमक गमकाई हो,
भूखल बा हमरी मैया।
खरना क बेला बा आईल हो,
भूखल बा हमरी मैया -२।
2-
छठ भजन
मईया खोल ना हो केवड़िया,
दुअरा भक्त पुकारे ना-2।
भईल बा अरघ क अब
बेरिया,
मनवा बा हुलसाइल ना।
मईया खोल ना हो केवड़िया,
दुअरा भक्त पुकारे ना।
तीन दिन क भूखल बा अम्मा,
मनवा तबो उजास बा-2।
मईया क इ किरपा हउवे,
नाहीं तनको उदास बा।
हुलस- हुलस गावे ले गीतिया,
ना घबराए ना।
मईया खोल ना हो केवड़िया,
दुअरा भक्त पुकारे ना-2।
तीन दिन का भूखल बा तिरिया,
मनवा तबो उजास बा-2।
मईया क इ किरपा हउवे,
नाहीं तनको उदास बा।
हुलस- हुलस गावे ले गीतिया,
ना घबराए ना।
मईया खोल ना हो केवड़िया,
दुअरा भक्त पुकारे ना-2।
तीन दिन क भूखल बा दीदीआ,
मनवा तबो उजास बा।
मईया क इ किरपा हउवे,
नाहीं तनको उदास बा।
हुलस- हुलस गावे ले गीतिया,
ना घबराए ना।
मईया खोल ना हो केवड़िया,
दुअरा भक्त पुकारे ना-2।
तीन दिन क भूखल बा भाभी,
मनवा तबो उजास बा-2।
मईया क इ किरपा हउवे,
नाहीं तनको उदास बा।
हुलस- हुलस गावे ले गीतिया,
ना घबराए ना।
मईया खोल ना हो केवड़िया,
दुअरा भक्त पुकारे ना-2।
साधना शाही, वाराणसी
